Joom!Fish config error: Default language is inactive!
 
Please check configuration, try to use first active language

Урамнарда буран

Урамнарда буран

08.01.2018 11:17 | Тема дня Печать

Урамнарда буран

Урамнарда — буран…
Җаннарымда — буран…
Бураннарга дөньям уралган.
Җаннарыма сыймый,
Урамнарда уйный
Син кузгатып киткән бураннар.

Урамнарда — буран,
Җаннарымда — буран..
Бураннарда йөрим адашып…
Ялгызлыктан тагын,
өзгәләнә җаным,
Адашасы иде парлашып.

Куеныма таңда
Ала алмасам да
Моңнарыма сине урадым.
Җаным сулкылдавын
Бураннарым тагын
Сагыш җыры итеп җырлады.

Синсез мизгелдә мин
Тынгылык эзләмим —
Тынлыкларда әрни яралар.
Үз теләгем белән
Бураннарга керәм —
Бураннарда җанга дәва бар.

Ризван Хәкимов көе,

Марат Кәбиров сүзләре.

 

 

Добавить комментарий


Защитный код
Обновить