Бөгелмә авазы

Яшәү фәлсәфәсе

Күләгәңнән өркеп яшәмә син, Шөлләгәндәй куян бүредән. Әмма курку кирәк картлыгыңны Күрәлмичә генә үлүдән. * * * Күзгә карап, гайбәт сата (Кемдер шуңа ышана). Бер сәгать элек әйткәнен "Әйтмәдем!" - дип, шыр тана. * * * Иномаркаларда элдертәбез, Беркем белми "юллар газабын". Күрер күзгә күркәм, ә шулай да Сагындыра атлар...

Күләгәңнән өркеп яшәмә син,
Шөлләгәндәй куян бүредән.
Әмма курку кирәк картлыгыңны
Күрәлмичә генә үлүдән.

* * *
Күзгә карап, гайбәт сата
(Кемдер шуңа ышана).
Бер сәгать элек әйткәнен
"Әйтмәдем!" - дип, шыр тана.

* * *
Иномаркаларда элдертәбез,
Беркем белми "юллар газабын".
Күрер күзгә күркәм, ә шулай да
Сагындыра атлар заманы...

* * *
Мал-мөлкәтем булсын сиңа,
Үзеңнеке ит син барын да.
Кирәк икән, шәрә калдыр,
Ирегемә берүк кагылма!

"Рубин" - юанычым

"Рубин" - минем юанычым,
Яшим аңа баш иеп.
Теләк телим: "Бердыевка

Озын гомер бир!" - диеп.

Киңәш
(Бер әтигә)

Кызың өчен мәсьәләне
Син чишәсең хәзердән,
Имтихан тотасың булыр -
Хәзердән үк әзерлән.

Тормыш сукмагына аяк басучыларга


Ямьсез әйбер ясама,
Хәрәм ризык ашама.
Сөйгәнеңне ташлама,
Яратмасаң, башлама.

***
Тозсыз сүзне сөйләмә,
Тискәрене көйләмә.
Кеше җирен биләмә,
Онсыз иләк иләмә.

***
Чибәрләргә ышанма,
Котсызга күзең салма.
Ялкынга якын барма,
Дустыңны һәрчак барла.

* * *
Өммәтеңне яшермә,
Кеше эшен тикшермә.
Дорфалык һәрчак оят,
Телеңдә булсын аять.
* * *

Малга комсыз карама,
Дошман кертмә арага.
Тоз сипмә син ярага,
"Бу - ак!" - димә карага.
* * *

Таптым диеп сөенмә,
Югалтканга көенмә.
Шөкрана итә бел
Булганына өеңдә.

* * *
Карга оясын
Тирәк бизәмәс.
Акыл иясе
Буш сүз сөйләмәс.

Ягсуп МОРТАЗИН.
Бөгелмә шәһәре.

Реклама
Нравится
Поделиться:
Реклама
Комментарии (0)
Осталось символов: