Бөгелмә авазы

“Яңарыш” үзәге балалары “Мин тормышны сайлыйм” дигән профилактик чарада катнаштылар

10 нчы октябрь көнне “Сәламәт булу бик яхшы” программасын тормышка ашыру кысаларында Бөгелмәнең мөмкинлекләре чикле балалар һәм яшүсмерләр өчен “Яңарыш” тернәкләндерү үзәгендә “Мин тормышны сайлыйм” дигән психологик тренинг уздырылды.

Мин тормышны сайлыйм һәм моның белән горурланам, начар гадәтләрдән баш тартачакмын. Чараның девизы нәкъ менә шушы сүзләр булды.

Чараның максаты - сәламәт яшәү рәвешен пропагандалау, балаларда зарарлы гадәтләргә тискәре караш формалаштыру.

Балалар “Файдалы һәм зарарлы гадәтләр, “Ничек баш тартырга, Иван-патша һәм тәмәке, “Безнең кебек яшә” дигән мультфильмнар карадылар.  Үзәк психологы белән эчкерсез әңгәмә вакытында яшүсмерләр начар гадәтләрнең барлыкка килү сәбәпләре һәм нәтиҗәләре турында фикер алыштылар, рәсемнәр аша сәламәт яшәү рәвеше алып барырга теләк белдерделәр. Нәтиҗәдә, зарарлы гадәтләргә юк, диделәр.

 

Татьяна Ишметьева,

педагог-психолог

Автор фотосы

Нравится
Поделиться:
Реклама
Комментарии (0)
Осталось символов: