Бөгелмә авазы

Имәндә икән чикләвек...

"Бөгелмә авазы" газе­тасының 6 июль санында (№52/4046/, 2 нче бит, авторы - Руслан Җәләев) шәһәребезнең Совет урамы, 40 нчы йорты ишегалдындагы чокырларны "тигезләү"нең яңа ысулын "табулары" турында фотогаепләү бирелгән иде. 14 августта бу язмага түрәләрдән рәсми җавап килде: Совет урамының 40 нчы йорты янында­гы асфальт юл канә­гатьләнерлек хәлдә. Әлеге йортның...

"Бөгелмә авазы" газе­тасының 6 июль санында (№52/4046/, 2 нче бит, авторы - Руслан Җәләев) шәһәребезнең Совет урамы, 40 нчы йорты ишегалдындагы чокырларны "тигезләү"нең яңа ысулын "табулары" турында фотогаепләү бирелгән иде. 14 августта бу язмага түрәләрдән рәсми җавап килде:

Совет урамының 40 нчы йорты янында­гы асфальт юл канә­гатьләнерлек хәлдә. Әлеге йортның ишегалдындагы чокырлар­га, юлда йөргәндә бә­хетсезлек очраклары булмасын өчен, җавап­лылыгы чик­лән­гән "Таң" җәм­гыяте тарафыннан кирпеч ватыклары салынды.

Совет урамы, 40 нчы йорт ишегалдын ремонтлау, финанслау булган очракта, 2013-2015еллар планына кер­тел­гән.


"Торак-коммуналь хуҗалыгы
департаменты" директоры
В.А.Пивсаев".

Редакциядән. Фото­гаепләүдә сүз Совет урамы яныннан уза торган асфальт юл турында бармады бит. Ул юлның канәгатьләнерлек хәл­дә икәнлеге болай да аңлашыла. Әлеге йортның ишегалдында барлыкка килгән ав­томобильләрнең йө­реше өчен гаять тә авырлык тудырган чокыр-чакырлар турында сүз барды. Өстәвенә, шушы юлдан күпме әти-әни көн саен үзләренең нарасыйларын 2 нче "Батыр" балалар бакчасына китерә, кич белән тагын килеп ала.

"Таң" җәмгыятенең чокырларны тигезләү эшенә алынуы, халык турында кайгыртуы мактаулы эш анысы, әмма башлаган эшне ахырга кадәр җиткерергә, ягъни чокырларга кирпеч ватык­лары китереп бушаткач, аны махсус техника белән тигезләтергә, автомобильләр һәм җәяү­леләр үтеп йөрерлек итәргә дә кирәк булгандыр. Ә бу мөһим эш башта да, хәтта бүгенге көндә дә эшләнмәде. Җиңел автомобильләр кирпеч өемнәре өстеннән үтеп йө­рергә һәм машина ху­җалары әлеге, беренче карашка, изге эшкә алынучыларны каһәрләргә мәҗбүр булдылар.

Фотогаепләүнең асылы нәкъ менә шуннан гыйбарәт иде. Безгә җавап бирүчеләр мәсьәләнең асылына төшенмәгәннәр, закон нигезендә карал­ган срокларда тиеш булганга гына "отпис­ка" җибәргәннәр дигән тәэсир кала. Моннан гына ишегалларындагы юлларда вәзгыять үзгәрми шул...

Реклама
Нравится
Поделиться:
Реклама
Комментарии (0)
Осталось символов: