Бөгелмә авазы

Син йолдыз булып атыл!

Ямьле язда бик аз гына Сандугач сайрагандай, Тукай егерме җиде ел Дөньяда яшәп кала. Милләтемнең йөзек кашы, Иң кадерле баласы Туар-тумас ятим кала, Ярый исән бабасы. Җитмәсә, әбисе үги, Үз балалары да күп, "Күгәрченнәр арасында Ул кечкенә чәүкә күк". Үксезлеге аркасында Авылдан-авылларга, Шәһәрдән шәһәрләргә Туры килә йөрергә. Төрле авырлыклар күреп,...

Ямьле язда бик аз гына

Сандугач сайрагандай,

Тукай егерме җиде ел

Дөньяда яшәп кала.

Милләтемнең йөзек кашы,

Иң кадерле баласы

Туар-тумас ятим кала,

Ярый исән бабасы.

Җитмәсә, әбисе үги,

Үз балалары да күп,

"Күгәрченнәр арасында

Ул кечкенә чәүкә күк".

Үксезлеге аркасында

Авылдан-авылларга,

Шәһәрдән шәһәрләргә

Туры килә йөрергә.

Төрле авырлыклар күреп,

Катлаулы тормыш кичеп,

Табигатьнең хозурына

Сокланып иртә-кичен,

Игътибарлы, күзәтүчән

Булып үсә балакай.

Шуңадыр да иҗат белән

Мавыга Апуш Тукай.

Җаваплылык таләп итә

Гаять тәнкыйтьчел акыл:

"Дошманнардан син я кач,

Я йолдыз булып атыл!"

Нәкъ шулай Габдулла Тукай

Мәгърифәткә омтыла.

Милләтен агарту өчен

Ул бөтен көчен куя.

Мәхтүмә ГАЛЛӘМОВА,
сугыш һәм педагогик хезмәт ветераны.

Бөгелмә шәһәре.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: