Бөгелмә авазы

Җир кемнеке?

Без, Кодаш авылы халкы, "Бөгелмә авазы" газетасы битләрендә үзебезне борчыган бер мәсьәләне күтәрмәкче булабыз.

Башка районнар җир пае белән файдаланган вакытта, кодашлар аңардан мәхрүм булды. Гомер-гомергә әти-бабайлар җире иде бит ул. Аннары, бер Татарстанда яшибез, ләбаса. Сорагач: "Җирегез юк", - дип кенә җавап бирделәр. Соңгы араларда газеталарда, башка массакүләм матбугат чараларында кулланылмаган-чәчелмәгән җирләрне кичекмәстән сатарга кирәклеге турында язалар һәм сөйлиләр. Андый җирләр бездә дә елдан-ел арта тора.
Җир бар бездә, әмма аңа кем хуҗа, кем сата, акчасыннан кем файдалана икәнлеге генә билгесез. Беренче карашка мәзәк тоелган менә шушы сорауга "Бөгелмә авазы" аша берәр җитәкче-белгеч җавап бирмәс микән? Тагын кемнәр хуҗа булыр икән безнең җирләргә?
Әхмәтҗан ХӘЙДӘРОВ.
Кодаш авылы.

Нравится
Поделиться:
Реклама
Комментарии (0)
Осталось символов: