Бөгелмә авазы

Бөгелмәлеләр, “Кыстыбый-шоу” фестивалендә катнашырга ашыгыгыз!

Татар халкы үз милли ашларына бай һәм бөтен дөньяга үз ризыклары белән танылган. Безнең халыкның милли традицияләргә бай ашлар әзерләү осталыгы бик күптәннән килә. Күп гасырларга сузылган тарих дәвамында милли оригиналь ашлар барлыкка килгән, алар үзләренә генә хас сыйфатларны бүгенге көнгә кадәр саклап калган. Ризыкларның һәркайсы үзенчәлекле. Бәлеш, өчпочмак, гөбәдия,...

Татар халкы үз милли ашларына бай һәм бөтен дөньяга үз ризыклары белән танылган. Безнең халыкның милли традицияләргә бай ашлар әзерләү осталыгы бик күптәннән килә. Күп гасырларга сузылган тарих дәвамында милли оригиналь ашлар барлыкка килгән, алар үзләренә генә хас сыйфатларны бүгенге көнгә кадәр саклап калган. Ризыкларның һәркайсы үзенчәлекле. Бәлеш, өчпочмак, гөбәдия, чәкчәк һәм башкалар... Аларның саны бик күп, ләкин без үзебезнең хозурны кыстыбыйга юнәлттек.

Нинди аш ул кыстыбый? Күпләр аны камыр эчендә бәрәңге боламыгы итеп белә. Кыстыбыйга бәйле исемдә калган бер вакыйганы сөйләп китәсем килә. Университетта укыган вакытлар. Тулай торак. Берничә кат өстә яшәүче төркемдәш кыз: "Кыстыбый пешердем! Әйдәгез, менегез!" - дип шылтыратты. Без бүлмәдәш кыз белән шунда ук өскә ыргылдык. Тәмле, мае агып торган, яңа әзерләнгән бәрәңге кыстыбые ашарга менәбез, имеш. Ләкин Чистай ягы кызы безне шаккатырды! Кыстыбый бәрәңгедән генә пешерелми икән бит. Ул тары кыстыбые ясаган булып чыкты. Безнең өчен бу бик зур ачыш иде.

Әйе, бер карашка гади генә тоелган милли ризыгыбыз күптөрле була икән. Менә без дә бөгелмәлеләрнең бу ризыкны ничек пешерүләрен белергә булдык. "Бөгелмә авазы" газетасы, "Балкыш" җәмгыяте һәм Татар мәдәният үзәге белән бергәлектә, "Кыстыбый-шоу" фестиваль-конкурсы игълан итә. Әлеге бәйге ике этапта узачак. Беренче турда без сездән кыстыбый рецептлары көтеп калабыз. Алар 14 апрельгә кадәр кабул ителәчәк, ә 17 апрельдә фестивальдә катнашучылар сайлап алына. Бәйгенең икенче этабы 21 апрель көнне Татар мәдәният үзәгендә узачак. Анда инде иң оста пешекчеләрне, иң оригиналь рецептларны сайлап алачакбыз. Һәр катнашучы Дипломга ия булачак. Җиңүчеләрне бүләкләр көтә.

Ләйсән БИКБУЛАТОВА.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: