Хәния Фәрхине соңгы юлга озатырга халык агыла (видео)
Бүген Татарстанның һәм Башкортстанның халык артисты Хәния Фәрхине соңгы юлга озаталар. Бу минутларда Галиәсгар Камал исемендәге театрга халык агыла. Сәнгать әһелләре, яраткан тамашачыларына Хәния Фәрхине соңгы тапкыр күреп калу мөмкинлеге бирелә. Аның яныннан күз яшьләрсез уза алмыйлар. "Күңелләргә ятышлы итеп җырлый иде. Ул сәхнәгә чыккач, бар халык дөр куба иде....
Бүген Татарстанның һәм Башкортстанның халык артисты Хәния Фәрхине соңгы юлга озаталар. Бу минутларда Галиәсгар Камал исемендәге театрга халык агыла.
Сәнгать әһелләре, яраткан тамашачыларына Хәния Фәрхине соңгы тапкыр күреп калу мөмкинлеге бирелә. Аның яныннан күз яшьләрсез уза алмыйлар.
"Күңелләргә ятышлы итеп җырлый иде. Ул сәхнәгә чыккач, бар халык дөр куба иде. Аякларым авырта, алай булса да килдем Хәнияне озатырга", - ди Гарифҗанов урамында яшәүче Роза апа.
Татарстанның һәм Башкортстанның халык артисты Хәния Фәрхи, йөрәге тоту сәбәпле, туган ягында - Башкортстанның Тәтешле районында вафат булды.
Иң мөһим һәм кызыклы язмаларны Татмедиа Telegram-каналында укыгыз
