Бөгелмә авазы

Бәхет-шатлык керсен һәр йортка

Котлыйбыз! Хөрмәтле бөгелмәләр, кадерле якташлар! Сезне Яңа ел бәйрәмнәре белән чын күңелдән тәбрик итәм!

Реклама

Яңа ел - якты өметләр, шатлык-бәхет көтү мизгелләре ул. Бу көннәрдә узган ел дәвамында башкарылган эшләргә йомгак ясыйбыз, киләчәккә планнар корабыз.
Узып баручы ел сәяси һәм икътисади вакыйгаларга бай булды, районыбыз тарихында якты эз калдырды. Татарстан халкына бу ел мәркәзебез Казанда узган Бөтендөнья Җәйге универсиада уеннары белән истәлекле булды. Әлеге олуг вакыйганы үткәрүгә бөгелмәләр дә үзләреннән лаеклы өлеш кертте.
Бу елда без берничә күренекле датаны билгеләп үттек: шәһәребездә иң зур предприятиеләрнең берсе - "ТНГ-Групп" җәмгыятенең - 60; Татарстанда нефть чыга башлауның 70 еллыклары. Бөгелмә "АК БАРС АЭРО" авиакомпаниясе оешуга да 60 ел тулды. "Бөгелмә локомотив депосы" предприятиесе бер гасырлык юбилеен бәйрәм итте.
Без төп социаль программаларны гамәлгә ашыра алдык. Күп кенә гаиләләр һәм хөрмәтле ветераннарыбыз Яңа елны яңа квартирларда
каршылыйлар. Авыл участковыйлары өчен административ-торак комплекслары төзелә. Шәһәр һәм район территориясендә яңа җитештерү объектлары ачыла, өстәмә эш урыннары булдырыла. Яңа туган сабыйлар саны арта. Педагоглар, спортчылар, табиблар, мәдәният әһелләре, талантлы балаларыбыз үзләренең казанышлары белән куандырып торалар. Кадерле якташлар, болар һәм башка уңышларыбыз барысы да - сезнең белән безнең уртак тырышлык нәтиҗәләре ул.
Алда Татарстан Республикасында Мәдәният елы дип игълан ителгән 2014 ел көтә. Ул барыбыз өчен дә гаилә учакларының үзгә бер җылысы, якыннарыбызның игътибары арту белән күңелләргә уелып калырлык булсын. Һәрбер йортка иминлек, сәламәтлек һәм шатлык алып килсен. Яңа 2014 елда һәммәгез дә бәхетле һәм мул яшәгез!
Иң изге теләкләр белән,
Илдус КАСЫЙМОВ,
Бөгелмә муниципаль районы башлыгы,
Бөгелмә шәһәре мэры.

Нравится
Поделиться:
Реклама
Комментарии (0)
Осталось символов: