Бөгелмә авазы

Бөгелмәдә "Иреклеләр – балаларга" IX Бөтенроссия акциясе узды

Хәйриячеләр кечкенә пациентларны гигиена чаралары, уенчыклар, китаплар, канцелярия кирәк-яраклары белән тәэмин иттеләр.

Балаларга һәм гаиләләргә ярдәм итү максатыннан, Бөгелмәдә "Иреклеләр – балаларга" IX Бөтенроссия акциясе үткәрелде.

Акциянең йомгаклау чарасы - Бөгелмә балалар хастаханәсенә хәйрия ярдәме күрсәтү. Акциягә шәһәр кешеләре, «Макдоналдс» компаниясенең корпоратив волонтерлары, «Бөгелмә аграр көллияте» ДАҺБУ иреклеләре, полиция хезмәткәрләре, Россия Эчке эшләр министрлыгының Бөгелмә районы буенча бүлеге каршындагы Иҗтимагый совет һәм «Логистика» ҖЧҖ вәкилләре кушылды.

Хәйриячеләр кечкенә пациентларны гигиена чаралары, уенчыклар, китаплар, канцелярия кирәк-яраклары белән тәэмин иттеләр. «Макдоналдс» компаниясеннән тематик бүләкләр килгән кунаклар өчен күңелле сюрприз булды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: