Бөгелмә авазы

Бөгелмә районының гаилә пары бриллиант туйларын билгеләп үтте

Бөгелмә районының гаилә пары бриллиант туйларын билгеләп үтте

Алар икесе дә күп балалы гаиләләрдә үсә, шуңа күрә үз гаиләләрен дә балалар көлүе, аралашу һәм бер-берең турында кайгырту белән тулы зур һәм тату гаилә итеп күз алдына китерәләр. Шулай булып чыга да, Михаил Павлович белән Антонида Даниловна өч бала, ике уллары – Сергей һәм Андрейны һәм кызлары Ольганы тәрбияләп үстерәләр.

Юбилярларның алты оныгы һәм биш оныкчыгы бар.

Гаилә башлыгы Михаил Павлович, чын ир-атка хас булганча, үз йортын салган, хатыны белән бергә хуҗалык иткән, балалар үстергән. Тормышка зарланмыйлар, күп нәрсәгә өлгерәләр: намус белән эшлиләр, өй хуҗалыгына һәм балаларга да кайгыртучанлык, игътибар бирәләр.

Михаил Павлович гомер буе туган авылында комбайнчы, тракторчы булып эшли. Аның гомуми хезмәт стажы 48 ел тәшкил итә. «Хезмәт ветераны» дигән мактаулы исемгә лаек.

Антонида Даниловна 17 яшендә Яңа Сумароково авылына сыер савучы булып эшкә юллана һәм лаеклы ялга чыкканчы шунда эшли. Тырыш хезмәте өчен ул үз тармагында күп тапкырлар иң яхшы дип табыла, күп тапкырлар колхоз җитәкчелегенең Мактау грамоталары һәм Рәхмәт хатлары белән бүләкләнә.

Бриллиант туй – бик сирәк, үзенчәлекле вакыйга. Бу көнне юбилярларны Бөгелмә муниципаль районы башкарма комитеты ГХАТ бүлеге белгечләре котлады, Татарстан АССР төзелүнең 100 еллыгы уңаеннан истәлекле билге һәм Бөгелмә районы башлыгы Линар Закиров исеменнән котлау хаты тапшырдылар.

Матур пар истәлекле вакыйга истәлегенә Бөгелмә районының Мактаулы гаиләләре китабына үз имзаларын куйдылар.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: