Бөгелмә авазы

Бөгелмә районыннан яшь әни милли проект кысаларында үзенең кошчылык фермасын ачачак

Бөгелмә районыннан яшь әни Елена Лиорек иренең ярдәме белән кошчылыкны үстерүгә Татарстан Республикасы Авыл хуҗалыгы һәм азык-төлек министрлыгы гранты алды. Ел дәвамында баш саны 23 мең бройлерга җитәчәк.

Якын арада төзекләндерелгән бинага бройлерларның беренче партиясен - якынча 5 мең кошны җибәрү  планлаштырыла. Продукция сату мәсьәләсе юк - Бөгелмәдә һәм якын-тирәдәге шәһәрләрдә кошларга ихтыяҗ югары.

Хуҗалык тере кош-кортны сатарга планлаштырган арада, алга таба, барлык биналар төзекләндерелгәч, терлек сую цехы төзиячәкләр.

Елена билгеләп үткәнчә, бүгенге көндә күбрәк яшьләр кем өчендер түгел, ә үзләре өчен эшләргә омтыла.

"Бу ышаныч һәм алга таба хәрәкәт итәргә көч бирә. Ә дәүләткә милли проектлар һәм ярдәм программалары өчен рәхмәт. Ярдәм булса, яшьләр дә авылда калачак, - ди яшь әни.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: