Бөгелмә авазы

Шаяннар һәм тапкырлар сынатмый

Агымдагы елның 10 февралендә Татарстан Республикасы Шаяннар һәм тапкырлар клубының 25нче юбилей фестивале узды.

Фестивальгә әзерлек кысаларында, 4–9 февраль көннәрендә «Байтик» сәламәтләндерү-белем бирү комплексы базасында КВН мәктәбе узды.

Анда “Бөгелмә” шаяннар һәм тапкырлар клубы лигасы командалары катнашты:

1. “Бөгелмә җыелма командасы”.

2. “Ир-атлар” командасы.

3. “Валера монда баш” командасы.

Безнең барлык командаларыбыз да яхшы нәтиҗәләр күрсәттеләр.

Шулай итеп, “Валера монда баш” шаяннар һәм тапкырлар командасы Юниор блогында үзенең визиткасын күрсәтте һәм Татарстан Республикасының «Юниор-лига»сында катнашу өчен чакыру алды.

"Ир-атлар" командасы шаяннар һәм тапкырлар клубының беренче эчке фестивалендә җиңү яулады.

Ә “Бөгелмә җыелма командасы” ярты форматлы чыгышлар блогында чыгыш ясады һәм ТР КВН юбилей фестивалендә 3нче урынны алды.

Шунысын да билгеләп үтәргә кирәк, призлы урыннар өчен көрәш гадәти чыгышлар блокларында чыгыш ясаучы катнашучылар арасында да барды. Биредә дә “Бөгелмә җыелма командасы” яшьләре Казан тамашачысын һәм жюрины әсир итте.

Шулай ук, “Бөгелмә җыелма командасы” “Алга” КВН лигасына чакырылды, аның сезоны инде яз көне старт ала.

 “Бөгелмә” КВН лигасы командаларда катнашучыларның барысына, шулай ук фестивальгә әзерлек дәвамында балаларны туплаучыларга да рәхмәт белдерә. 

Команда исеменнән “Бөгелмә” КВН лигасы җитәкчесе һәм рухи остаз Ленар Сәлаховка, Бөгелмә шәһәре хакимиятенә, “ТНГ-Групп” ҖЧҖ җитәкчелегенә һәм барлык ярдәм күрсәтүчеләргә рәхмәт белдерәбез.

Фестиваль артта калды, алда кызыклы, җиңел булмаган, ә иң мөһиме, күңелле сезон. Катнашучыларга әзерлек эшләрендә уңышлар телибез!

Бөгелмә муниципаль районы башкарма комитетының яшьләр эшләре, спорт һәм туризм бүлеге.

Нравится
Поделиться:
Реклама
Комментарии (0)
Осталось символов: