Бөгелмә авазы

Кече Бөгелмәдә яшәүче гаилә парын алтын юбилейлары белән котладылар

“Демография” милли проектының “Өлкән буын” проекты кысаларында, Бөгелмә “Радуга” халыкка социаль хезмәт күрсәтү комплекслы үзәге хезмәткәрләре һәм ЗАГС бүлеге белгечләре Высоцкийларны алтын юбилейлары белән котладылар.

 Аларның гаилә берлегенә нәкъ 50 ел тулды.

Владимир Яковлевич һәм Валя Семеновна 1969 елда, Яңа ел көнне, Ашхабад шәһәрендә танышканнар. Ул вакытта Владимир Яковлевич армиядән кайтып, киң профильле механизаторлыкка училищеда укый. Ә Валя Семеновна Дзержинский исемендәге фабрикада 6 разрядлы эрләүче булып эшли.

Дуслашканнар, очрашканнар. Театрларга йөргәннәр. Ашхабад артындагы Фирюзә санаториена биергә йөргәннәр. Биюләр җәйге мәйданда тынлы оркестр астында барган. 

Танылган чинарның Җиде бертуган шифаханәсендә яшьләр бер-берсенә тугрылыклы булырга ант бирәләр. Шушы агач белән бәйле матур риваять бар, ул гүзәл кыз Фирүзәнең намусын яклауда барысы да тигезсез көрәштә һәлак булган. Аларның каберенә әтиләре чинар агачы ботакларын утырта һәм күп гасырлар үткәннән соң, чинарлар куәтле агачка әверелә, аларның кәүсәләре бер-берсенә үрелеп, кушылып үсә һәм агач “Җиде бертугандигән атама ала.

Училищены тәмамлаганнан соң, Владимир Валяга тәкъдим ясаган. 1969 елның 26 сентябрендә гариза биргәннәр, нәкъ бер айдан соң ЗАГС бүлегенә язылганнар.

1971 елда гаиләдә беренче кызлары Ирина туа. Малосемейка алалар. Володя төзелештә экскаваторчы булып эшли.

1974 елда икенче кызлары Ксения туа.

1976 елда кызлары Вера (балачак инвалиды) туа.

Валя Семеновна кызлар тәрбияләү белән шөгыльләнә, балалар бакчасында няня булып эшли, аннары малютка йортында, аннан соң начар ишетүче балалар интернатында пешекче булып эшләргә туры килә. Кая куйсалар, шунда эшли.

Гаилә арткач, 4 бүлмәле фатир бирәләр.

2004 елда гаиләләре белән Татарстанга кызы Ирина янына күчеп киләләр, Кече Бөгелмә авылында яши башлыйлар.

Ксения ире белән Төрекмәнстанда кала. Ике кызлары да югары белемле. Ксения - җиңел атлетика буенча спорт мастеры.

Хәзер аларның өч балалары, дүрт оныклары һәм бер оныкчыклары бар.

Яшь гаиләләргә юбилярлардан теләкләр шул: бер-береңә хөрмәт, сабырлык һәм үзара аңлашу.

Матур традиция буенча, туганнары һәм дуслары алдында юбилярлар шәһәрнең Мактаулы гаиләләре китабында үз имзаларын калдырдылар. ЗАГС бүлеге белгечләре гаиләгә бүләк һәм тантаналы чара турында сертификат тапшырдылар.

Өйдә социаль хезмәт күрсәтү бүлекчәсе хезмәткәрләре дә читтә калмады һәм социаль хезмәт алучыларны әлеге күркәм дата белән котладылар, Хәйриячеләр катнашында электр чәйнеге һәм чәчәк бәйләме бүләк иттеләр.

Екатерина КОЛУПАЕВА,

өйдә социаль хезмәт күрсәтү бүлегенең

социаль эш буенча белгече

Нравится
Поделиться:
Реклама
Комментарии (0)
Осталось символов: