Хиҗаб баш киеме генә түгел, тыйнаклык билгесе дә
Бөгелмә мөхтәсибәтенең яшьләр белән эшләү бүлегенең бер юнәлеше булган "Нурия" мөселманнар клубы әйдәп баручылары тарафыннан, Бөтендөнья хиҗаб көненә багышлап, "Хиҗаб белән танышу" дип исемләнгән акция уздырылды. Анда 100гә якын кеше катнашты. Акция барышында мөселман хатын-кызлары, халык күп йөри торган урыннарда булып, кешеләргә конфетлар һәм мөселман хатын-кызларының баш киеме булган хиҗаб...
Бөгелмә мөхтәсибәтенең яшьләр белән эшләү бүлегенең бер юнәлеше булган "Нурия" мөселманнар клубы әйдәп баручылары тарафыннан, Бөтендөнья хиҗаб көненә багышлап, "Хиҗаб белән танышу" дип исемләнгән акция уздырылды.
Анда 100гә якын кеше катнашты. Акция барышында мөселман хатын-кызлары, халык күп йөри торган урыннарда булып, кешеләргә конфетлар һәм мөселман хатын-кызларының баш киеме булган хиҗаб турында кызыклы мәгълүматлар бирелгән буклетлар тараттылар. Шулай ук акция кысаларында көне буе яулык белән йөрергә ризалык биргән кызларга, ә андыйлар байтак иде, матур итеп яулык бәйләделәр. Активисткалар әлеге палантиннарны кызларга бүләк итеп бирүләрен әйттеләр.
Иң мөһим һәм кызыклы язмаларны Татмедиа Telegram-каналында укыгыз
