Бөгелмә авазы

Техника йорты мәйданында дрифт оештырган бөгелмәле штраф һәм арестка тартылган

Берничә көн элек Дәүләт автоинспекциясе хезмәткәрләренең күз уңына интернет челтәрендә урнаштырылган куркыныч маневрлар видеосы эләккән, аларны Техника йорты каршындагы мәйданда “Тойота” автомобилен йөртүче оештырган.

Россия Эчке эшләр министрлыгының Бөгелмә районы буенча ЮХИДИ бүлегенең юл-патруль хезмәте хезмәткәрләре үткәргән тикшерү нәтиҗәсендә хокук бозучының шәхесен ачыклады. Ул 18 яшьлек бөгелмәле булып чыга.

Машина йөртүчегә карата юл билгеләре белән күрсәтелгән таләпләрне үтәмәгән өчен административ беркетмә төзелде (җәяүлеләр зонасы буенча хәрәкәт иткән өчен).

Хокук бозучыга 2000 сум күләмендә административ штраф рәвешендә административ җәза билгеләнгән.

Моннан тыш, мәгълүматлар базасы буенча тикшергәндә инспекторлар элегрәк машина йөртүченең юл хәрәкәте кагыйдәләрен бозуын, ләкин административ штраф түләмәве ачыклаган.

27 ноябрьдә Бөгелмә җәмәгать суды тарафыннан юл хәрәкәте кагыйдәләрен бозган, штраф түләмәгән өчен төзелгән административ беркетмә каралды. Карар нәтиҗәләре буенча яшь кешегә 4 тәүлеккә административ арест билгеләнде.

 

Россия Эчке эшләр министрлыгының Бөгелмә районы бүлеге матбугат хезмәте

Нравится
Поделиться:
Реклама
Комментарии (0)
Осталось символов: