Бөгелмә авазы

Мошенникларга ышанып, бөгелмәле барлык акчаларыннан колак каккан

Россия Эчке эшләр министрлыгының Бөгелмә районы буенча бүлегенең дежур частенә шәһәрдә яшәүче 64 яшьлек хатын-кыз мөрәҗәгать итте. Ул тәртип сакчыларына алдалап билгесез кешеләр аның, шулай ук иренең 420 мең сумнан артык акчасын урлатуларын сөйли.

Зыян күрүче полицейскийларга кесә телефонына бер ир шалтыратуы һәм үзен банк хезмәткәре дип таныштыруы турында әйтә. Ул хәбәр иткәнчә, билгесез затлар аның картасыннан 29 мең сум акча салдырган. Егет пенсионерга үз акчаларын урлауда банк хезмәткәрләренең берсеннән шикләнүләре хакында хәбәр итә. Алга таба ул аңлатканча, югарыда күрсәтелгән хезмәткәрне билгеләү өчен, ул аларга хәбәр итәргә тиешле кодлар җибәрәчәк. Зыян күрүчегә ышаныч булсын өчен, ул аны атасының һәм хатынның үз исеме белән атый. Хатын-кыз таләп ителгән барлык мәгълүматны хәбәр итүгә, аның телефонына картадагы акчаларны салдыру турында хәбәр килә. Ир гариза бирүчене шулай булырга тиеш, дип ышандыра. Аннары ул иренең шәхси счетыннан шундый ук хәл булуын һәм телефонга килә торган кодларны атарга кирәклеген әйтә. Билгесез кешенең шартын үтәп, пенсионер банкка мөрәҗәгать итә һәм аларны алдауларын белә. Шулай итеп, зыян күрүче ире белән 420 мең сумнан артык акчасыннан колак каккан.

ТР буенча Эчке эшләр министрлыгы гражданнарга банк хезмәткәрләре, әңгәмәдәшләре белән аралашканда уяулыкны сакларга һәм үз карталарының мәгълүматларын һәм шәхси мәгълүматларны һич кенә дә атамаска киңәш итә. Иң яхшы юл телефонны сүндереп, банкка түләү картасында күрсәтелгән рәсми номер буенча шалтыратып сорау. Исегездә тотыгыз, реаль банк хезмәткәре беркайчанда картагызның икенче ягындагы кодын, сезнең телефоныгызга килгән смс-хәбәрләрне җиткерүегезне сорамый.

 

Россия Эчке эшләр министрлыгының Бөгелмә районы буенча бүлеге матбугат хезмәте

Фото: https://pixabay.com

Нравится
Поделиться:
Реклама
Комментарии (0)
Осталось символов: