Бөгелмә авазы

Коронавирус белән авыручылар турында фейк тараткан өчен бөгелмәлегә 30.000 сум штраф салдылар.

26 мартта полиция хезмәткәрләре Интернетта дөрес булмаган иҗтимагый әһәмиятле мәгълүмат тарату фактын ачыклады.

Социаль челтәрләрнең берсендә бер яшь кеше коронавирус йоктырган сигез кеше турында яңалык хәбәр итте,  бу – ялган, ул коммуникация челтәрләрендә чынбарлыкка туры килми торган мәгълүмат таралуга юл куйды.
Шунда ук полиция хезмәткәрләре фейк яңалыгын хәбәр иткән гражданинның шәхесен билгеләүгә юнәлдерелгән чаралар комплексы үткәрделәр. Ул  20 яшьлек егет булып чыга.
Егеткә карата административ хокук бозулар турында Россия Федерациясе кодексының 13.15нче маддәнең 9нчы өлеше буенча «массакүләм мәгълүмат чараларында, мәгълүмат-телекоммуникация челтәрләрендә гражданнарның тормышына һәм (яки) сәламәтлегенә зыян китерүгә, җәмәгать тәртибенә һәм (яки) җәмәгать куркынычсызлыгына зыян китерүгә, җәмәгать тәртибен һәм (яисә) җәмәгать куркынычсызлыгын бозу куркынычы тудыручы дөрес булмаган мәгълүмат рәвешендә ялган иҗтимагый әһәмиятле мәгълүмат тарату»турында беркетмә төзелде.
27 мартта Бөгелмә шәһәр суды карары белән егет РФ Административ хокук бозулар кодексының 13.15нче маддәсе, 9нчы өлешендә каралган административ хокук бозуда гаепле дип табылды һәм 30000 сум күләмендә штраф түләү рәвешендә административ җәзага тартылды.
Полиция хезмәткәрләре массакүләм мәгълүмат чараларында һәм Интернет челтәрендә дөрес булмаган иҗтимагый әһәмияткә ия мәгълүмат тараткан өчен административ җаваплылык каралуын искәртә. Югарыда әйтелгән документта санкция (ирекле мәгълүматтан явызларча файдалану) гражданнардан административ хокук бозу предметын конфискацияләү белән 30 меңнән 100 мең сумга кадәр штраф түләттерүгә яки аннан башка; вазыйфаи затлардан – 60 меңнән ике йөз мең сумга кадәр; юридик затларга - административ хокук бозу предметын конфискацияләү белән 200 йөз меңнән 500 йөз мең сумга кадәр штраф салуны күздә тота. 

Россия Эчке эшләр министрлыгының Бөгелмә районы буенча бүлеге матбугат хезмәте
 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: