Бөгелмә авазы

Бөгелмәдә ялган акчалата купюраны сату факты буенча җинаять эше кузгатылды

29 гыйнварда Россия Эчке эшләр министрлыгының Бөгелмә районы буенча бүлегенең дежур частенә ялган билгеләре булган акчалата купюраны табу турында хәбәр килде.

Акча бөгелмәдә яшәүче хатын-кыздан финанс учреждениесенә эләккән, ул ипотека кредиты түләргә теләгән. Ханым сүзләренә караганда, ул бер ел дәвамында акча җыйган, һәм әлеге купюра каян килеп чыга алганын аңлата алмаган.

Банк хезмәткәрләре 5 мең сумлык купюраны полиция хезмәткәрләренә тапшырдылар. Экспертиза аны ялган дип тапкан.

5нче февральдә Россия Эчке эшләр министрлыгының Бөгелмә районы буенча бүлегенең тикшерү бүлеге тикшерүчесе Россия Федерациясе Җинаять кодексының 186 маддәсенең 1 өлеше буенча җинаять эше кузгатты.

ТР буенча Эчке эшләр министрлыгы гражданнарны акча белән мөрәҗәгать иткәндә игътибарлы булырга чакыра.

Гамәлдәге закон нигезендә, ялган акча купюраларын ясаган һәм саткан өчен 12 елга кадәр иректән мәхрүм итү рәвешендә, 1 миллион сумга кадәр штраф белән, җинаять җаваплылыгы каралган. Ялган акча ачыкланган очракта, кибеттә яки башка сәүдә ноктасында сату юлы белән аннан арынырга ярамый. Якындагы полиция бүлеге хезмәткәрләренә хәбәр итәргә һәм аны алу шартлары турында сөйләргә кирәк.

Полиция сәүдә оешмалары җитәкчеләренә кассир-сатучыларның эш урыннарын купюраларның чынлыгын билгеләү җайланмалары белән җиһазландыруга аерым игътибар бирергә киңәш итә.

Сатучы, сатучы-кассир ялган акчалата билгене тапканда, аны сатып алучыга, клиентка кайтарырга тиеш түгел. Бу очракта ялган акча күрсәткән гражданин полиция хезмәткәрләре килеп җиткәнче урынында калсын өчен мөмкин булган чараларны күрергә кирәк.

 

Россия Эчке эшләр министрлыгының Бөгелмә районы буенча бүлеге матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: