Бөгелмә авазы

Зур Казан боҗрасы төзелешенең икенче этабын 2021 елда төгәлләячәкләр

Автомобиль юлы төзелеше «Куркынычсыз һәм сыйфатлы автомобиль юллары» дәүләт проекты буенча алып барыла.

Борисковоя урамыннан Техник урамына кадәр 1,2 км озынлыкта Зур Казан боҗрасы төзелешенең икенче этабы 2021 елда төгәлләнәчәк. Төзелеш «Куркынычсыз һәм сыйфатлы автомобиль юллары» дәүләт проекты буенча алып барыла.

Инде Монастырь ермагы аша 70,78 метр озынлыктагы күпер төзелде һәм трамвай юллары салынды. Моннан тыш, коммуникацияләрне үзгәртеп кору, яңгыр канализациясен һәм чистарту корылмаларын ремонтлау, шулай ук терәк диварлар, светофорлар һәм тышкы яктырту чаралары урнаштыру планлаштырыла.

Техник урамына чыгачак белән 522 метр озынлыктагы автомобиль юлының икенче участогын 2021 елга файдалануга тапшыру планлаштырыла.

Быел Мидхәт Булатов урамыннан Борисково урамына кадәрге участокта зур Казан боҗрасы төзелешенең беренче этабы буенча хәрәкәт ачылды. Аның бәясе 2,3 млрд. сум дип бәяләнә. Участокның озынлыгы 800 метр тәшкил итә.

Беренче участок һәр юнәлештә ике полосалы автомобиль юлыннан, җәяүлеләр тротуарларыннан, ике трамвай юлы өчен аеру полосасыннан, Ферма шоссесы өстендә юлүткәргечтән һәм Борисково урамында яңа җир өсте җәяүлеләр кичүеннән тора.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: