Бөгелмә авазы

Зеленая Роща авыл китапханәсенә уникаль китап бүләк иттеләр

Китапханә – китап сөючеләрне берләштерә торган үзәк. Авыл китапханәсенең әһәмияте аеруча зур – ул авыл халкына китаптан бушлай файдалану мөмкинлеге бирүче бердәнбер учреждение.

Китапханә фондлары җирле бюджет һәм Мәдәният министрлыгы хисабына гына түгел, битараф булмаган кешеләр хисабына да формалаша.

Зеленая Роща авыл китапханәсе фонды, авыл китапханәләре өчен «Игелек марафоны» Бөтенроссия акциясендә катнашып, китапларны бушлай тапшырган китап укучылар ярдәмендә яңа басмалар белән тулыланды. Якташыбыз, эшмәкәр Олег Сергеевич Шипилов (быел Казан шәһәрендә яши) инновацион технологияләр үзәгендә нәшер ителгән Татарстан мәчетләре исемле уникаль китап бүләк итте. Искиткеч матур бизәлгән фолиант республиканың тарихи-мәдәни традицияләрен яңартуны һәм саклап калуны раслый. Китапны укып, авылдашларыбыз Татарстанның рухи тормышы турында белемнәрен арттырачак һәм мәчетләргә хөрмәт белән керәчәкләр.

Бөек Ватан сугышының яшь геройлары дип аталган дүрт китапны Бөгелмә шәһәре ветераннар советы рәисе Иршат Рәшит улы Измайлов тәкъдим итте. Әлеге серия Бөек Җиңүнең 75 еллыгына чыгарылган иде, анда сугыш елларында балалар белән бергә эшләп, сугыш чоры дәһшәтләрен җиңеп, җиңүгә кулдан килгәнчә өлеш керткән ветераннары, тыл хезмәтчәннәренең истәлекләре тупланган.

Зеленая Роща китапханәсенә бүләк ителгән барлык китаплар да   киштәләрдә мактаулы урынын алачак һәм, һичшиксез, рәхмәтле укучысын табачак.

Ирина Ишкова, китапханәче, автор фотолары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: