Июль аенда явым-төшемнәр шактый булса да, янгынга ул комачау итми. Бөгелмә муниципаль районы территориясендә июль аенда чыккан янгыннар шуны күрсәтә. 9 июльдә Карабашта яңа төзелеп килә торган агач йортның стенасына ут каба. Янгын сүндерүчеләр килеп җиткәнче, йорт хуҗабикәсе һәм күрше-тирәләр бергәләп аны сүндерәләр. Ут чыгуның сәбәбе билгесез кала. 11 июльдә...
Июль аенда явым-төшемнәр шактый булса да, янгынга ул комачау итми. Бөгелмә муниципаль районы территориясендә июль аенда чыккан янгыннар шуны күрсәтә.
9 июльдә Карабашта яңа төзелеп килә торган агач йортның стенасына ут каба. Янгын сүндерүчеләр килеп җиткәнче, йорт хуҗабикәсе һәм күрше-тирәләр бергәләп аны сүндерәләр. Ут чыгуның сәбәбе билгесез кала.
11 июльдә исә Зелёная Роща авылында көндез, яшен сугып, уртак түбә астындагы сарайлар яна. Сарай эчендә коры печән дә булганлыктан, тиз арада 55 квадрат метр мәйданны биләгән утның ике катлы торак йортка үрләү куркынычы да зур була. Күзәтчелек бүлеге өлкән инспекторы М.Асанов әйтүенчә, янгын сүндерүчеләр осталыгы һәм өлгерлеге белән генә олы каза булмый кала.
14 июльдә иртә белән Бөгелмәнең Суворов урамындагы бер йорт тәрәзәсеннән төтен чыгу турында хәбәр алына. Биш минут дигәндә урынга барып җиткән янгын сүндерүчеләр газ плитәсендә ризык әзерләүче хуҗаның саксызлыгы аркасында өстәлгә ут кабуын, аны хуҗа үзе тиз арада сүндереп өлгергәнлеген ачыклыйлар, дип хәбәр итә күзәтчелек бүлеге баш белгече И. Шәйгарданов.
25 июльдә иртәнге дүртенче яртыда шәһәрнең Чернышевский урамында 6 х 3 метрлы гараж янау турында хәбәр алына. Гараж йозакларын "партнер" ярдәмендә ачып кереп, янгын сүндерүчеләр "ВАЗ 2107" машинасын һәм 30 литрлы газ баллонын чыгарып өлегрәләр. Эчтә 4 квадрат метр мәйдан һәм агач материаллар яна.Бүлекнең өлкән тикшерүчесе Д.Артемьев, янгын чыгу сәбәпләрен ачыклау эше баруын хәбәр итә.
Иң мөһим һәм кызыклы язмаларны Татмедиа Telegram-каналында укыгыз
