Бөгелмә авазы

Татарстан фермерлары «Вкусы России» конкурсында җиңү өчен грантлар ала алачак

Катнашучы барлык проектлар да федераль ярдәм программасына эләгәчәк.

«Вкусы России» конкурсында Татарстаннан катнашучылар җитештерүне үстерүгә акча грантын ота алачак. Алар барысы да федераль ярдәм программасына эләгәчәк. Бу хакта «Татар-информ» мәгълүмат агентлыгында узган матбугат конференциясендә Татарстан Республикасы авыл хуҗалыгы һәм азык-төлек министрының беренче урынбасары Наил Залаков сөйләде.

«Конкурсның һәр катнашучысы аннан нәрсәдер алачак. Бу очракта продуктны алга җибәрүдә, укытуда ярдәм итү чаралары, бәлки, алга китешкә грантлар булыр», – дип хәбәр итте спикер.

Ул аңлатканча, Татарстаннан конкурста 22 җитештерүче катнаша, гәрчә гаризалар йөздән артык кергән булса да. Онлайн-тавыш бирү 2 декабрьгә кадәр дәвам итәчәк, илнең теләсә кайсы кешесе сайтка кереп, Татарстан яки Россиянең башка субъектыннан продут өчен тавыш бирергә мөмкин.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: