Татарстанда полиция хезмәткәрләре пенсионер картның өендә корал складына тап булган
Әлеге хәл Баулы районында булган. Моңа кадәр дә хөкем ителгәне булган 63 яшьлек ир-ат өендә утлы корал саклаган.Полиция хезмәткәрләре аның йортында ау мылтыгын кисеп ясаган ике корал, сугышчан патроннарга үзгәртелгән сигналлы "Наган-С" револверы, ТОЗ-Б һәм ТОЗ-БМ мылтыкларыннан комплектлаштырылган киселгән корал, бер көпшәле ике спорт-ау мылтыгы, сугышчан патронга үзгәртелгән ИЖ-38С пневматик...
Әлеге хәл Баулы районында булган. Моңа кадәр дә хөкем ителгәне булган 63 яшьлек ир-ат өендә утлы корал саклаган.Полиция хезмәткәрләре аның йортында ау мылтыгын кисеп ясаган ике корал, сугышчан патроннарга үзгәртелгән сигналлы "Наган-С" револверы, ТОЗ-Б һәм ТОЗ-БМ мылтыкларыннан комплектлаштырылган киселгән корал, бер көпшәле ике спорт-ау мылтыгы, сугышчан патронга үзгәртелгән ИЖ-38С пневматик мылтыгы тапкан. Хәзер хокук сакчылары әлеге ир-атка коралларның каян килүен һәм аның нинди максатта йортында корал склады оештыруын ачыклый.
РФ Җинаять кодексының 222 нче маддәсе 1 нче бүлеге буенча җинаять эше кузгатылган, тикшерү бара.
Иң мөһим һәм кызыклы язмаларны Татмедиа Telegram-каналында укыгыз
