Бөгелмә авазы

Рөстәм Миңнеханов ТКХ өчен зур суммалар турында: Һәр мөрәҗәгатькә җавап бирергә кирәк

Президент ассызыклаганча, бу мәсьәлә буенча халык арасында аңлату эшләре алып барырга кирәк.

Күп кенә татарстанлылар декабрьдә җылыту өчен югары суммалы счет алдылар. Вәзгыятьне җентекләп өйрәнергә һәм һәр аерым вакыйганы ачыкларга кирәк. Бу хакта шимбә киңәшмәсендә Татарстан Президенты Рөстәм Миңнеханов белдерде, дип хәбәр итә республика җитәкчесенең матбугат хезмәте.

«Һәр мөрәҗәгатьне игътибар белән тикшерегез һәм хаталар булса - төзәтергә. Иң мөһиме, аңлату эшләре алып барырга кирәк», - диде Миңнеханов.

Ул декабрь аеның салкын булуын, шуның аркасында җылылык куллануның артуын искә төшерде.

«Татэнерго» АҖ генераль директоры Раузил Хаҗиев хәбәр иткәнчә, оешмада кайнар линия ачылган, анда гражданнар җылылык өчен счетлар турында мөрәҗәгать итә ала.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: