Бөгелмә авазы

Рөстәм Миңнеханов һәм Минтимер Шәймиев ТР Тарих һәм мәдәният һәйкәлләрен торгызу фондының 10 еллыгына багышланган күргәзмә ачылышында катнашты

Бүген «Казан Кремле» дәүләт тарих-архитектура һәм сәнгать музееның «Манеж» күргәзмә залында Татарстан Республикасы тарих һәм мәдәният һәйкәлләрен торгызу фонды төзелүнең 10 еллыгына багышланган күргәзмә ачылды.

Чарада Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе Минтимер Шәймиев катнашты. Исегезгә төшерәбез, “Яңарыш” республика фонды Татарстан Республикасы Президентының 2010 елның 17 февралендәге Указы нигезендә төзелгән иде. Фондның Попечительләр советын Татарстанның беренче Президенты Минтимер Шәймиев җитәкләде. Фондның башкарма директоры Татьяна Ларионова булды (2010 елда - ТР Президентының социаль мәсьәләләр буенча ярдәмчесе).

Татарстан мирас объектларында торгызу эшләре уздыру нәтиҗәсендә Болгар тарих-археология комплексы, Успенье соборы һәм Свияжск утрау-шәһәрчеге монастыре ЮНЕСКО Бөтендөнья мирас исемлегенә кертелде. Моннан тыш, фонд акчасына 2017 елда Татарстанда Болгар ислам академиясе төзелгән. Россиянең югары дини уку йорты Болгарда Татарстан Президенты Рөстәм Миңнеханов инициативасы белән булдырылды һәм Россия Президенты Владимир Путин тарафыннан хупланды. Академиянең төп максаты үзебезнең ислам дини мәктәбен формалаштыру. Хәзерге вакытта «Яңарыш» фонды тарафыннан Казанда Мәрьям Ана иконасы соборын торгызу эше алып барыла. Гыйбадәтханә Казанда могҗизалы икона алу урынында төзелә һәм Россиядә православие үсеше үзәкләренең берсе булырга тиеш.

 

2019 елның февраленнән РФ Мәгариф министрлыгы ярдәмендә “Яңарыш” республика фонды, ТР Мәгариф һәм фән министрлыгы белән берлектә, республикада полилингваль белем бирү комплексларын булдыру проектын тормышка ашыра башлады.

«Бүген «Яңарыш» фондына 10 ел, - диде Рөстәм Миңнеханов күргәзмәне ачу тантанасында. - Шушы 10 ел эчендә бик зур эш башкарылды. Бу вакыт эчендә ике объект дөньяви танылу алды (Болгар тарих-археология комплексы, Успенье соборы һәм Свияжск утрау-шәһәрчеге монастыре ЮНЕСКО Бөтендөнья мирасы исемлегенә кертелде). Татарстан Президенты шулай ук билгеләгәнчә, тулаем алганда туристлар өчен шартлар тудыру эше дәвам итәчәк, барлык теләүчеләр өчен «Казан Кремле» музей-тыюлыгында була алачак.

Биредә кешеләргә уңайлы булырга тиеш, диде ул, йөгереп үтү генә түгел, ә монда озаграк калу теләге тусын өчен, Казан Кремле территориясендә тарих, объектлар турында күбрәк белергә кирәк.
Материал Президентның матбугат хезмәтеннән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: