Бөгелмә авазы

Миңнеханов «Ак Барс» клубы катнашындагы плей-офф уңаеннан открыткалар чыгуын әйтте

Открыткалар хоккей клубын һәм татар телен популярлаштыруга юнәлдерелгән.

Татарстан Президенты Рөстәм Миңнеханов «Ак Барс» хоккей клубы катнашында Континенталь хоккей лигасында плей-офф уеннары башлану уңаеннан татар телендә открыткалар чыгуы хакында хәбәр итте.

Республика Президенты шундый открыткаларның берсен Instagram социаль челтәрендәге үз сәхифәсендә урнаштырган.

«Ак Барс» өчен җан атабыз һәм татар телен өйрәнәбез», - дип язган Миңнеханов.

Яңа открыткалар чыгару буенча әлеге проектны «Хатлар йорты» компаниясе гамәлгә ашыра. Аларның концепциясе татарча атамалар аша хоккейның асылын ачып бирүдән гыйбарәт. Открыткалардагы татарча сүзләр рус һәм инглиз телләренә тәрҗемә ителгән.

Алар хоккей клубын һәм татар телен популярлаштыруны максат итеп куя. Открыткаларда күренекле хоккейчыларның фотолары, шулай ук аларның култамгалары чыгачак.

Чыганак: https://www.tatar-inform.ru/news/politics/02-03-2021/minnihanov-anonsiroval-vyhod-otkrytok-k-pley-off-s-uchastiem-ak-barsa-5810012

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: