Бөгелмә авазы

Медведев дүрт көнлек эш режимына күчү буенча фикер алышуны дәвам итәргә чакырды

Россиядә эш белән тәэмин итүнең яңа формалары буенча хезмәт законнарына төзәтмәләр кертү башланды, цифрлы технологияләр үсеше буенча мондый төзәтмәләр дәвам итәчәк.

Хезмәт законнарына төзәтмәләр кертү идеяләре, шул исәптән дүрт көнлек эш атнасына күчүне дә кертеп, фикер алышу процессында калырга тиеш. Бу хакта Куркынычсызлык Советы Рәисе урынбасары Дмитрий Медведев белдерде, дип хәбәр итә РИА Новости.

«Шактый хезмәткәрләрне читтән торып эш белән тәэмин итү режимына күчерә алган эш бирүчеләр кризисны бик авыр кичермәде. Әмма моны бары тик мөмкин булган җирдә генә эшләргә була. Мондый белгечләр үз компанияләренә үзгәргән шартларга тиз һәм сыйфатлы итеп җайлашырга мөмкинлек бирә. Икенче яктан, хезмәткәрләрнең хокукларын яклау һәм эш һәм ял вакытын планлаштыру белән бәйле кыенлыклар да читтә калмады», - диде ул «Ачык инновацияләр» форумында катнашучыларны сәламләү сүзендә.

«Россиядә эш белән тәэмин итүнең яңа формалары буенча хезмәт законнарына төзәтмәләр кертү башланды. Цифрлы технологияләр үсеше буенча мондый төзәтмәләр дәвам итәчәк», - дип искәртте ул. 

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: