Бөгелмә авазы

Конституциягә төзәтмәләр мәгълүмати-технологик үсешнең өстенлеген беркетәчәк

ТР Премьер-министры урынбасары РФ Конституциясенә төзәтмәләр буенча гомумроссия тавыш бирүдә катнашты.

Татарстан Премьер-министры урынбасары, Иннополис үсешенә кураторлык итүче Роман Шәйхетдинов РФ Конституциясенә төзәтмәләр кертү буенча гомумроссия тавыш бирүдә катнашты. Аның сайлау участогы Иннополис мәктәбендә урнашкан.

Шәйхетдинов фикеренчә, 114нче маддәдәге үзгәрешләр илебезнең мәгълүмати-технологик үсешенең өстенлеген билгеләячәк. Моннан тыш, бу төзәтмә шулай ук цифрлы җәмгыятьтә куркынычсызлык институтларын да, россиялеләрнең шәхси мәгълүматларын да яклаячак, дәүләт секторында да, матди җитештерү тармакларында да цифрлаштыру үсешен стимуллаштырачак, шулай ук кеше капиталын актив үстерүне тәэмин итәчәк.

Исегезгә төшерәбез, РФ Конституциясенә төзәтмәләрне хуплау мәсьәләсе буенча Бөтенроссия тавыш бирү 2020 елның 25 июнендә башланды, 1 июльдә – тавыш бирүнең соңгы көне.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: