Бөгелмә авазы

ТР кафелары һәм рестораннарының, Covid-кагыйдәләрен үтәмәү аркасында, эш вакытын кыскартырга мөмкин

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсендә хәзер республиканың җәмәгать туклануында санитар кагыйдәләр үтәлә, дип ышандырдылар.

Татарстанда, әгәр биналарда Covid-19 аркасында кертелгән санитар-эпидемиологик чараларны үтәмәсәләр,  җәмәгать туклануы объектларының эш вакыты чикләнүе ихтимал. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР  идарәсе җитәкчесе урынбасары Любовь Авдонина сөйләде.

"Кайбер төбәкләрдә җәмәгать туклануы объектларында эшне 23 сәгатькә кадәр киметү ихтимал, әгәр дә без чаралар үтәлмәвен күрәбез һәм бүген эшмәкәрләрдән һәм юридик затлардан көткән җаваплылык юк икән, бу мәсьәлә көн кадагына куелырга мөмкин», дип билгеләп үтте ведомство җитәкчесе урынбасары.

Авдонина сүзләренә караганда, рестораторларга тутырылуның 70%ын үтәргә, биюләр өчен зонаны ябарга һәм яңа коронавирус йогышын профилактикалау буенча барлык кирәкле чараларны үткәрергә кирәк. Әгәр барлык кирәкле процедуралар үтәлсә, кафе һәм рестораннар гадәти режимда эшләячәк.

"Без рестораннарның профилактика чараларын үтәвен күрәбез, шуңа күрә безнең контроль алга таба да дәвам итәчәк", - дип өстәде Любовь Авдонина.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: