Бөгелмә авазы

Иммунлаштыру атналыгы: Европа – сәламәтлек юлында

Россия Федерациясендә, шул исәптән Татарстан Республикасында да, 24 - 30 апрельдә "Европа иммунлаштыру атналыгы" үткәрү планлаштырыла. Бу чара Бөтендөнья сәламәтлек саклау оешмасы инициативасы белән уздырыла. Полиомиелит, кызамык һәм башка шундый кайбер йогышлы авырулар таралу җәһәтеннән, дөньяда киеренкелек шактый көчле дәрәҗәдә саклана. Халыкларның миграция процессы активлашу исә хәлне тагын да катлауландыра....

 

Россия Федерациясендә, шул исәптән Татарстан Республикасында да, 24 - 30 апрельдә "Европа иммунлаштыру атналыгы" үткәрү планлаштырыла. Бу чара Бөтендөнья сәламәтлек саклау оешмасы инициативасы белән уздырыла.

Полиомиелит, кызамык һәм башка шундый кайбер йогышлы авырулар таралу җәһәтеннән, дөньяда киеренкелек шактый көчле дәрәҗәдә саклана. Халыкларның миграция процессы активлашу исә хәлне тагын да катлауландыра. Йогышлы авырулардан саклануның иң ышанычлы чараларыннан берсе - профилактик прививкалар ясау.

Быелгы иммунлаштыру атналыгы барышында халыкка вакцинациянең мөһимлеген аңлату максат булып тора. Дөрес, прививка ясатуның әһәмиятен бик күпләр дөрес аңлый. Шулай да үзенә һәм балаларына прививка ясатудан баш тартучылар да очрап тора. Андыйлар үзләрен генә түгел, әйләнә-тирәдәгеләрне дә куркыныч астына куялар.

Атналык барышында һәрбер балага, һәрбер кешегә үзвакытында кирәкле прививкаларның ясалырга тиешлеген, шул рәвешле, ягъни махсус профилактик чаралар ярдәмендә төрле йогышланулардан сакланырга мөмкин икәнлекне халыкка төшендерү эшләре алып барылачак.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: