Бөгелмә авазы

Галиев: Рөстәм Миңнеханов республиканың зур командасы эшен оештыра алды.

Татарстан Республикасы Президенты 10 ел дәвамында үзен федераль үзәк белән нәтиҗәле эшләүче, кризиска каршы сәләтле менеджер буларак күрсәтте.

Татарстан Президенты Рөстәм Миңнехановка, үзе җитәкчелек иткән 10 ел эчендә, бөтен республиканың зур командасы эшен оештырырга насыйп булды. «Татар-информ» мәгълүмат агентлыгы белән әңгәмәдә ТР Дәүләт Советы депутаты Марат Галиев әнә шундый фикер белән уртаклашты.

"Соңгы 10 елда уңай нәтиҗәләр күренә башлады. Беренче чиратта – нефть химиясендә, эшкәртүдә, агробизнеста, — дип билгеләп үтте ул. — Ул бер үк вакытта үзен кризиска каршы менеджер буларак күрсәтте. Төрле мөнәсәбәтләрнең сәяси нечкәлекләренә тартылмыйча, Федераль үзәк белән нәтиҗәле эшләргә сәләтле кеше".

Галиев шулай ук Рөстәм Миңнехановның Халыкара хезмәттәшлек планындагы уңышларын да билгеләп үтте. Мисал итеп, ул ТР Президентының Давостагы Бөтендөнья икътисади форумына нигез салучы һәм аның җитәкчесе Клаус Шваб белән дуслыгын китерде.

«Бу халыкара дәрәҗәгә чыга алган, дөнья дәрәҗәсендәге эре компанияләр белән элемтәләр урнаштырылган 10 ел булды. Моны белергә кирәк. Моның өчен билгеле бер сыйфатларга ия булу кирәк", - дип ассызыклады парламентарий.

Рөстәм Миңнеханов Татарстан Президенты вазыйфасына нәкъ 10 ел элек — 2010 елның 25 мартында кереште. Моңа кадәр ул республика Премьер-министры иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: