Фото: Татарстан юлында машинада кысылып калган ир-атны коткарганнар
Кичә 121нче янгын-коткару часте һәм 5нче зона эзләү-коткару отряды хезмәткәрләре автомобильдә кысылып калган, аяклары сынган ир-атны коткарган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән. 112 ашыгыч хезмәтләрне чакыру бердәм номерына юл-транспорт һәлакәте хакындагы хәбәр 12.28 сәгатьтә килә. Автомобильләр бәрелешү нәтиҗәсендә, аларның...
Кичә 121нче янгын-коткару часте һәм 5нче зона эзләү-коткару отряды хезмәткәрләре автомобильдә кысылып калган, аяклары сынган ир-атны коткарган, дип хәбәр иттеләр «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән.
112 ашыгыч хезмәтләрне чакыру бердәм номерына юл-транспорт һәлакәте хакындагы хәбәр 12.28 сәгатьтә килә. Автомобильләр бәрелешү нәтиҗәсендә, аларның берсендә ир-ат кысылып кала, аның ике аягы да сына.
Һәлакәт булган урынга 121нче янгын-коткару часте һәм 5нче зона эзләү-коткару отряды хезмәткәрләре килә. Алар ир-атны машинадан чыгарып, "Ашыгыч ярдәм" бригадасына тапшыра. Зыян күрүчене Мамадыш Үзәк район хастаханәсенә озаталар.
Иң мөһим һәм кызыклы язмаларны Татмедиа Telegram-каналында укыгыз
