“Фанфурик”лар сатканнар
Татарстанда составында күп кенә микъдарда этил спирты булган лосьоннарны сәүдә автоматларыннан сату фактлары ачыкланган. Элегрәк мондый фактлар Саратов өлкәсендә генә билгеле булган. Ә бу юлы - Казанда. Шәһәрнең ике районында стенага беркетелгән сәүдә павильонында сатуга куелган әлеге косметика лосьоны (халык телендә аны "фанфурик" дип йөртәләр). Бәясе арзан булганга күрә, аерым...
Татарстанда составында күп кенә микъдарда этил спирты булган лосьоннарны сәүдә автоматларыннан сату фактлары ачыкланган. Элегрәк мондый фактлар Саратов өлкәсендә генә билгеле булган. Ә бу юлы - Казанда. Шәһәрнең ике районында стенага беркетелгән сәүдә павильонында сатуга куелган әлеге косметика лосьоны (халык телендә аны "фанфурик" дип йөртәләр). Бәясе арзан булганга күрә, аерым категория гражданнар аны исерткеч сыйфатында кулланалар.
Моңа охшаш хәлләр, аппаратлар эшләве турында ни дә булса беләсез икән, Татарстан Республикасы Дәүләт алкоголь инспекциясенә, яисә муниципаль сайтлардагы "Халык контроле" дәүләт системасына хәбәр итүегезне сорыйбыз, дип хәбәр итәләр ТР Дәүләт алкоголь инспекциясеннән.
Иң мөһим һәм кызыклы язмаларны Татмедиа Telegram-каналында укыгыз
