Бөгелмә авазы

Эксперт: Россия сайлау комиссияләренә Конституция буенча тавыш бирү вакытында битлек бирергә киңәш иттеләр.

Коронавирус пандемиясе илнең Төп законына төзәтмәләр буенча тавыш бирү процедурасына үзгәрешләр кертте.

Россия Конституциясенә төзәтмәләр буенча тавыш бирү процедурасы Covid-19 коронавирусы пандемиясе шартларында гражданнарның иминлеге өчен кирәкле үзгәрешләр кичерәчәк. Төбәк сайлау комиссияләренә медицина битлекләрен һәм дезинфекция чараларын сатып алырга тәкъдим иттеләр, дип сөйләде "Татар-информ" мәгълүмат агентлыгына Россия хокук яклаучысы һәм җәмәгать эшлеклесе, кеше хокуклары буенча совет әгъзасы Александр Брод.

“Илебездә йоклап ятмыйлар: вакытыннан алда тавыш бирү өч көннән җиде көнгә кадәр арта, “Мобиль сайлаучы” программасы , җитди сәбәп булган кешеләр өчен өйдә тавыш бирү, Мәскәүдә электрон тавыш бирү кулланылачак. Региональ сайлау комиссияләренә медицина битлекләрен һәм дезинфекция чараларын сатып алырга тәкъдим ителде", - дип билгеләп үтте эксперт.

Дөньяның башка илләрендә тавыш бирү, катлауландырылган эпидемиологик вәзгыятькә карамастан, план буенча уза: 29 февральдә Словакиядә парламент сайлаулары узды, 2 мартта - Израильдә парламент сайлаулары, 15 мартта - Франциядә муниципаль сайлауларның беренче этабы булды.

"Дөньяда сайлау процессларының тулы параличы турында сөйләргә ярамый. Әйтик, Франциядә күптән түгел булган муниципаль сайлауларда кирәкле саклану чаралары күрелде: сайлаучыларга медицина битлекләре, авторучкаларныны эшкәртү өчен бактерияләргә каршы салфеткалар бирелде, - дип ассызыклады Александр Брод.

Фото: архив/Владимир Васильев

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: