Россия Эчке эшләр министрлыгы яңа закон проекты әзерли.
Елына өч тапкыр юлда йөрү кагыйдәсен үтәмәүчеләрне бер елга машина йөртү таныклыгыннан мәхрүм итәргә җыеналар. Кагыйдә бозулар электрон реестрда теркәлеп барачак ди.
Чит илләрдә әлеге алымга охшаган балл системасы күптән эшләп килә инде. Әйтик, Англия, Франциядә, Германиядә кагыйдәне үтәмәгән автомобиль йөртүчегә бер балл языла. 12 балл җыйганнан соң, шоферның ярты елга машина йөртү таныклыгы алына. Хәер, ерак китәсе юк, үзебездә дә совет заманында булган мондый хөкем. Юл йөрү кагыйдәсен бозуларны «дырокол» ярдәмендә тишеп, теркәп бара торган булганнар. Елына шундый өч «тишеге» булганнарга машина йөртергә ярамаган.
Иң мөһим һәм кызыклы язмаларны Татмедиа Telegram-каналында укыгыз
