Бөгелмә авазы

“Бөгелмә Сервис” компаниясе тарафыннан шәһәрне кардан чистарту эшләре тәүлек әйләнәсе оештырылган

Шәһәр мэры ишегалларындагы кар яву нәтиҗәләрен вакытында бетерергә, кирәк булганда, административ-техник инспекцияне җәлеп итәргә кушты.

2021 елның гыйнвар ае Татарстанда бик карлы булды. Ай башыннан 25 мм явым-төшем яуды, норма 17 мм. Бу инде айлык нормадан бер ярым тапкыр күбрәк. Буран һәм кар яву сәбәпле, узган атнада ике тапкыр рейс автобуслары өчен трассаларны яптылар.

Шуңа бәйле рәвештә, юл хезмәтләренә бүген катлаулы һава шартларында эшләргә туры килә. Бөгелмә Сервис компаниясе тарафыннан шәһәрне кардан чистарту эшләре тәүлек әйләнәсе оештырылган. Һәр урам өчен график һәм реагентлар белән чистарту һәм эшкәртү тәртибе билгеләнгән.

Бүген, кызганычка каршы, ишегалларында кар чистарту эшләре мактанырлык түгел. Гражданнардан килгән мөрәҗәгатьләрнең күп өлеше нәкъ менә ишегалды территорияләрен чистартуга кагыла. Идарәче компанияләр җәяүлеләр юлларын үз вакытында чистартмыйлар, автотранспорт чараларына йөрү кыенлаша.

Линар Закиров ишегалларындагы кар яву нәтиҗәләрен вакытында бетерергә, кирәк булганда, административ-техник инспекцияне җәлеп итәргә кушты.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: