Бөгелмә авазы

Без шушы шәһәрдә яшибез!

Һәр кешенең үз йөзе, холык-фигыле, гомер юлы булган кебек, һәрбер шәһәрнең дә үз урамнары, үткәне һәм бүгенгесе бар. Ярослав Гашек музее хезмәткәрләре өлкән яшьтәгеләр өчен Бөгелмә шәһәре буйлап виртуаль экскурсия оештырдылар. "Без шушы шәһәрдә яшибез" чарасын "Радуга" социаль-тернәкләндерү үзәгендә ял итүче 50гә якын кеше карады. 235 яшен тутырган үзе борынгы,...

Һәр кешенең үз йөзе, холык-фигыле, гомер юлы булган кебек, һәрбер шәһәрнең дә үз урамнары, үткәне һәм бүгенгесе бар. Ярослав Гашек музее хезмәткәрләре өлкән яшьтәгеләр өчен Бөгелмә шәһәре буйлап виртуаль экскурсия оештырдылар.

"Без шушы шәһәрдә яшибез" чарасын "Радуга" социаль-тернәкләндерү үзәгендә ял итүче 50гә якын кеше карады.

235 яшен тутырган үзе борынгы, үзе яшь шәһәребез искиткеч матур икән бит! Уникаль фотографияләр, архив матераллары белән танышкач, бөгелмәлеләр моның шулай икәнлегенә тагын бер кат инандылар. Бер сәгатькә якын дәвам иткән слайд-шоуга музей методисты Вера Дятлова аңлатмалары бик урынлы булды.

Ветераннарга Бөгелмә бистәсенең барлыкка килү, аэропорт һәм тимер юллар төзелү тарихы, урамнарның элеккеге атамалары, тарихи биналар һәм архитектура һәйкәлләре турында сөйләделәр. Моннан тыш, Бөгелмәдәге хәрби госпиталь, мәдәният һәм ял паркларына нигез салучылар, "ТатНИПИнефть" институты, нефть һәм машина төзү предприятиеләре, спорт корылмалары, шәһәребезнең башка үзенчәлекләре турында да күп кызыклы мәгълүматлар бәян ителде.

Пенсионерлар экскурсовод сөйләгәннәрне бик кызыкысынып тыңладылар, үзләре дә күп сораулар бирделәр, шәһәр тормышына кагылышлы хатирәләре белән уртаклаштылар. Рәзилә ШАКИРОВА.

Анна Грдеева фотосы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: