Бөгелмә авазы

Балаларның үлемендә табиб гаебе бар дип уйлыйлар

Республика тикшерүчеләре Бөгелмә районының үзәк хастаханәсе табибы-анестезиологының эш-гамәлләрендә җинаять билгеләре тапкан һәм ике җинаять эше кузгаткан. РФ ҖК 109 нчы маддәсенең 2 нче бүлеге нигезендә ("Һөнәри вазифаларын тиешле дәрәҗәдә башкармау нәтиҗәсендә, үлем очрагына китерү"), 3 елга кадәр иректән мәхрүм итү каралган, дип хәбәр итә Казан хокук яклаучылары. 2014 елның 2...

Республика тикшерүчеләре Бөгелмә районының үзәк хастаханәсе табибы-анестезиологының эш-гамәлләрендә җинаять билгеләре тапкан һәм ике җинаять эше кузгаткан.

РФ ҖК 109 нчы маддәсенең 2 нче бүлеге нигезендә ("Һөнәри вазифаларын тиешле дәрәҗәдә башкармау нәтиҗәсендә, үлем очрагына китерү"), 3 елга кадәр иректән мәхрүм итү каралган, дип хәбәр итә Казан хокук яклаучылары.

2014 елның 2 гыйнварында Бөгелмәдәге күпфатирлы йортларның берсендә янгын чыга. Янгында зыян күргән 5 һәм 8 яшьлек ике кызны ашыгыч ярдәм машинасында Бөгелмә районы үзәк хастаханәсенә илткәннәр.Табиб-анестезиолог җитәкчелегендә хастаханә персоналы тарафыннан күрсәтелгән ярдәм, балалар гомерен саклап кала алмый.

Җинаять эшен Россия Тикшерү комитетының ТР буенча идарәсенең аеруча мөһим эшләрне тикшерү бүлеге алып бара.

Якын көннәрдә, суд-медицина экспертизасын үткәрү өчен, эксгумация уздыру планлаштырыла.

Вафат булган кызларның әниләре Римма Бикмөхәммәтова 2011 елда Татарстан Республикасы "Ана даны - Материнская слава" медале белән бүләкләнгән булган.

"Татар-информ".

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: