Бөгелмә авазы

Өч каен

Басу буе яланында Һәрбер юлчы узган саен, Яшел яулык болгый-болгый, Сәлам бирә өч төп каен. Бу өч каен өч түбәдә Өчпочмакны хәтерләтә. Колак салып, туктап тыңла, Алар безгә нидер әйтә. Кемнәр генә йөрмәгәндер Каенлы юл буйларыннан. Күзләремә яшьләр килә, Онытылам уйларымнан. Еллар узып, бер-бер артлы Каенкайлар корыганда, Өч урынына егермеләп...

Реклама

Басу буе яланында
Һәрбер юлчы узган саен,
Яшел яулык болгый-болгый,
Сәлам бирә өч төп каен.

Бу өч каен өч түбәдә
Өчпочмакны хәтерләтә.
Колак салып, туктап тыңла,
Алар безгә нидер әйтә.

Кемнәр генә йөрмәгәндер
Каенлы юл буйларыннан.
Күзләремә яшьләр килә,
Онытылам уйларымнан.

Еллар узып, бер-бер артлы
Каенкайлар корыганда,
Өч урынына егермеләп
Яңалары шытар анда.

Кәүсәләрдә яшәү бетсә,
Тамырлары яши бирә.
Гореф-гадәт, мирас үлми -
Буыннарга күчеп килә.

Нравится
Поделиться:
Реклама
Комментарии (0)
Осталось символов: