Бөгелмә авазы

Мин дөньяны рухи яктан чагылдырам...

“Позитив” яшьләр үзәге проектын тормышка ашыру кысаларында, үзәк китапханәдә Зәйтүнә Искәндәрова иҗатына багышланган “Мин дөньяны рухи яктан чагылдырам...” дип аталган кичә булды.

Аның балачагы Байкал артында, үсмер чагы– Үзбәкстанда үткән, 1990 елларда гаиләсе белән Бөгелмәгә, әти-әнисенең туган ягына кайткан. Укытучы, аннары туризм һәм сәяхәтләр бюросында, 11 ел Бөгелмә Ветераннар йорты директоры булып эшләгән.  

Зәйтүнә Бәир кызы актив тормыш рәвеше алып бара, күп кенә шәһәр акцияләрендә, шул исәптән “Библиотөн” Бөтенроссия акциясе, “Китап укучы Бөгелмә” фестивале кебек китапханә чараларында катнаша, ул “бөгелмәлеләр” әдәби берләшмәсе әгъзасы булып тора. Россия буйлап сәяхәт итәргә ярата, Изге күл һәм Аркаимада булган. 

Үзе, әти-әнисе, дөнья турында күзаллаулары турында кичәдә Зәйтүнә Баир кызы тәфсилләп сөйләде, кичә шигырь уку белән үрелеп барды. Алар төрле темаларга: лирик шигырь, фәлсәфи темаларга язылган, кискен социаль сатирик әсәрләре дә бар. Зәйтүнә Бәировнаның шигырьләрендә бер теманы гына аерып чыгаруы кыен, бер әсәрдә фәлсәфи, әхлакый, гражданлык, патриотик темалар да үрелеп бара ала. 

З. Искәндәрова кичәсенә халык әйтмешли “Карты да, яше дә” килгән иде . Зәйтүнә Бәир кызының шигырьләрен БМТ укучылары зур кызыксыну белән тыңласалар, өлкән яшьтәгеләр – аңлап һәм күзаллап утырдылар. 

Зәйтүнә Искәндәрова Бәир кызының шигъри әсәрләре беркемне дә битараф калдырмады, ә кайберләре күз яшьләренә кадәр бөялде, аның барлык шигырьләре яктылыкка, яхшылыкка өнди!

 

Надежда ЕФИМОВА,

баш китапханәче

Юлия СИДОРЕНКО фотосы

Нравится
Поделиться:
Реклама
Комментарии (0)
Осталось символов: