Бөгелмә авазы

Татарстанда М7 трассасындагы авариядә бер кеше һәлак булган, өч кеше зыян күргән

Авария республиканың Минзәлә районында булган.

Татарстанда М7 трассасындагы куркыныч авариядә бер кеше һәлак булган һәм өч кеше зыян күргән. Бу хакта «Татар-информ»га һәлакәт шаһитлары хәбәр итте.

Аларның сүзләренә караганда, авария республиканың Минзәлә районында булган. Биредә «КИА» һәм «Лада» җиңел машиналары капма-каршы бәрелешкән.


«КИА» машинасын йөртүчене һәм пассажирын күпләгән җәрәхәтләр белән хастаханәгә алып киттеләр. Шулай ук «Лада» машинасы йөртүчесе дә зыян күрде, эче авыртуына зарланды. Ә менә андагы пассажир хатын-кыз һәлак булды», - дип уртаклашты агентлык белән юл-транспорт һәлакәте шаһитлары.

Фаҗига сәбәпләре ачыклана.  

Чыганак: Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: