Бөгелмә авазы

Татарстанда ике машина кара-каршы бәрелешкән һәлакәттә ике кеше үлгән

Юл-транспорт һәлакәте бүген иртән М7 юлында булган.

Татарстанның Минзәлә районында иртәнге сәгать алты тирәсендә ике машина кара-каршы бәрелешкән. Юл-транспорт һәлакәтендә ике кеше үлгән.

Якынча мәгълүматлар буенча, «Лада» белән идарә иткән 35 яшьлек хатын-кыз каршы як полосага чыккан һәм «ГАЗель» белән бәрелешкән. Бәрелешкәннән соң «Лада» автомобилен «Опель» кроссоверына «атып бәргән».


Юл-транспорт һәлакәтендә «Лада» автомобиленең йөртүчесе һәм пассажиры урында ук үлгән. Моннан тыш, йөк машинасы йөртүчесе дә имгәнгән. Аны хастаханәгә алып киткәннәр.

Фаҗига килеп чыгу сәбәпләрен ачыклыйлар.


Юл-транспорт һәлакәте шаһитлары сөйләвенчә, «Лада» машинасы Башкортстан Республикасы номеры белән булган. 

Чыганак: «Татар-информ» 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: