Бөгелмә авазы

Машина сатылган, ә штрафлар килә

Автомобиль хуҗасы чит автомобильгә штрафны гамәлдән чыгару үтенече белән судка мөрәҗәгать итте.

Татарстан Республикасы Бөгелмә шәһәр суды үзе кылмаган хокук бозу өчен штрафка тартылган автомобиль хуҗасының шикаятен карады.

Эш материаллары буенча, гражданин машинаны саткан, тик яңа хуҗа яңадан теркәлергә ашыкмаган. Нәтиҗәдә, юл хәрәкәте кагыйдәләрен бозган өчен штраф иске автомобиль хуҗасына килгән. Суд сату-алу килешүе машина белән башка кеше идарә иткәненә дәлил булып тора дип тапкан.

Шуңа бәйле рәвештә, суд тарафыннан административ штраф салу турында карар гамәлдән чыгарылды, эш, автомобиль хуҗасының гамәлләрендә административ хокук бозу составы булмау сәбәпле, туктатылды.

Татарстан Республикасы Бөгелмә шәһәр суды матбугат хезмәте

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: