Бөгелмә авазы

Лаеш районында чүп ташый торган машина манипуляторы астында калган кеше һәлак булган

Фаҗига кичә көндез Столбище авылында килеп чыккан.

Лаеш районының Столбище авылында чүп ташый торган машина манипуляторы астында калган ир-ат һәлак булган.

Гадәттән тыш хәлләр министрлыгының Татарстан буенча идарәсе шул хакта хәбәр итте.

Кичә көндез Столбище авылының Кооператив урамындагы 7нче йорт янында ир-атның манипулятор җайланмасы астына кысылуы турында хәбәр иткәннәр.

Урынга килгән коткаручылар ачыклаганча, 54 яшьлек ир-ат чүп ташый торган «КАМАЗ» машинасының манипуляторы астында кысылып калган.

Коткаручылар гидравлик пресс ярдәмендә мәрхүмнең мәетен машина астыннан алган һәм полиция хезмәткәрләренә тапшырган. Фаҗига сәбәпләре ачыклана.

Чыганак: «Татар-информ» 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: