Бөгелмә авазы

Бер бөгелмәле кәрт суккан вакытта танышының күзлеген ватканы

Ватылган күзлек пыяласы зыян күрүченең сул күзенә дә эләккән.

Бөгелмә шәһәр прокуратурасы җирле 35 яшьлек кешегә карата җинаять эше буенча дәүләт гаепләвен хуплады. Суд аны РФ Җинаять турындагы кодексының 115нче маддәсенең 2нче өлешендә каралган җинаять кылуда (корал сыйфатында кулланыла торган предмет кулланып, алдан уйлап, кеше сәламәтлегенә җиңелчә зыян китерү) гаепле дип таныды.  

Суд барышында хөкем ителүченең 2019 елның 7 декабрендә Бөгелмә шәһәре Совет урамында яшәүче танышына кунакка барганлыгы ачыкланды. Зыян күрүче, фатир хуҗасы һәм башка таныш затлар янында кунакта булганда, бергәләп спиртлы эчемлекләр кулланганнар һәм кәрт сукканнар.

Уен барышында зыян күрүчеләр һәм хөкем ителүчеләр арасында бәхәс куба, нәтиҗәдә, соңгысы өстәлдән пыяла чәркә алып, аны каршыда утырган танышына томыра, нәтиҗәдә, күзлек пыяласы ватыла һәм зыян күрүченең сул күзенә эләгә, шуның белән сәламәтлеккә җиңелчә зыян килә.

Хөкем ителүче үз гаебен тулысынча таныган, үкенүен белдергән һәм зыян күрүчегә мөлкәти зыянны үз теләге белән кайтарып биргән.

Суд аңа 4 айга төзәтү эшләре рәвешендә җәза билгеләде, хезмәт хакының 5 проценты дәүләт  файдасына тотып калыначак.

Хөкем карары законлы көченә кермәгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: