Бөгелмә авазы

40 яшьлек бөгелмәленең 708 мең сум алимент бурычы бар, моның өчен аңа җәза биреләчәк

Эшне Бөгелмә шәһәр прокуратурасы тикшерде.

Бөгелмә шәһәр прокуратурасы элек хөкем ителгән 40 яшьлек бөгелмәлегә карата җинаять эше буенча дәүләт гаепләвен хуплады. Бу хакта Бөгелмә шәһәр прокуроры ярдәмчесе Л.А. Миңнебаев сөйләде.

Суд аны РФ Җинаять кодексының 157нче маддәсенең 1нче өлешендә каралган җинаять кылуда гаепле дип тапкан (балигъ булмаган балаларны карап тоту өчен акча түләмәү, бу гамәлнең берничә тапкыр кабатлануы).

Хөкем ителүченең балигъ булмаган баланы тәрбия кылу өчен, 2002 елның 11 декабреннән башлап, айлык хезмәт хакының 1/4 өлеше яки башка керемнең бер өлеше күләмендә акча түләргә тиеш булуы ачыкланган. Әмма хөкем ителүче алимент түләүдән баш тарта, балага матди ярдәм күрсәтми, эшкә урнашмый.

Алиментлар буенча гомуми бурычы якынча 708 мең сумга җиткән.

Хөкем ителүче үз гаебен тулысынча таныды.

Суд аны 6 ай 10 көн төзәтү эшләренә җәлеп итү, хезмәт хакының 5 процентын дәүләт файдасына тотып калу рәвешендә җәза билгеләде.

Хөкем карары законлы көченә кермәгән.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: