Бөгелмә авазы

«Яңарыш» үзәге карамагындагыларга бала хокуклары һәм бурычлары турында сөйләделәр

Дәрес барышында балалар аларның хокукларын яклаучы документ буларак Бала хокуклары турында конвенция белән таныштылар.

24 февраль көнне Бөгелмә районы «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Бала хокуклары һәм бурычлары иленә сәяхәт» дигән хокукый тәрбия чарасы узды.

Дәрес барышында балалар аларның хокукларын яклаучы документ буларак Бала хокуклары турында конвенция белән таныштылар. Балалар тематик рәсемнәр һәм видеоролик карадылар, әңгәмәдә актив катнаштылар. Чара балалар, әкият һәм әдәби геройлар эләгә торган тормыш хәлләре турында сөйләшү, шулай ук «Хокук һәм бурычлар» дигән ситуацияне карау белән тәмамланды.

Мондый чаралар төп хокукый документлар турында күзаллауны формалаштыруга ярдәм итә, «хокук» һәм «бурычлар» төшенчәләренең мәгънәсе белән таныштыра.

Ирина Бондаренко, социаль эш буенча белгеч

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: