Бөгелмә шәһәренең үзәк мәйданында үткән соңгы ярминкәдән бу күренеш. Нурдания апа Шиһабетдинова (рәсемдә) кабак ашларын ярата, аңа 80 яшь, әмма ул үзе гаҗәеп тере: шундый олы кабакны көлә-көлә күтәрә. Кабактан телеңне йотарлык тәмле сумсалар, татлы бәлешләр, шулпалар әзерли икән ул.
Раилә ХАФИЗОВА.
Автор фотосы.
Җаның ни тели - сатуда бар да бар. Яшелчә, сөт-май, җиләк-җимеш - әйдә, барыннан да җитеш. Бәяләре юнь генә: Бөгелмә сөт комбинаты, рәхмәт яугыры, сыер маен 150 сумнан сатты. Яңа язган тәмле майны халык чиратка тезелеп алды. Гомумән алганда, көзге ярминкәләрнең товар әйләнеше 17 миллион сум тәшкил иткән.
