Бөгелмә авазы

Мәңгелеккә истәлек итеп

"Мәңгелек ут" мемориалын реконструкцияләү эше тәмамланып килә. Ул инде 95 процентка әзер.

Биредә бары аллеяга геройларның бюстларын урнаштырасы калган. Аларны Екатеринбург шәһәренең корыч кою заводында бронзадан эшлиләр. 9 бюстның инде 3се әзер икән. Бу эшләрнең ничек барганын шәһәр мэры Линар Закиров үзе контрольдә тота. Ул даими рәвештә мемориал янына чыгып, подряд оешмасы - "Стройсервис" җәмгыяте директоры Анатолий Красильников белән очраша, эш барышын тикшерә.
"Бөгелмә колхознигы" самолеты да озакламый үз урынына куелачак. Реконструкция ясау-чылар аның алюминнан эшләнгән яңа каркасын яшел төскә буяу белән мәшгуль.
Мемориалның төп барельефы (Мәңгелек ут янындагы һәйкәлдә) бронзадан ясалган яңа рәсем белән бизәләчәк. Аны тол калган хатын-кызларга һәм сугыш елы балаларына багышлаганнар. Рәсемнең авторы әлегә сер итеп саклана. Аны иң соңыннан куеп, тантаналы рәвештә мемориалны ачарга планлаштыралар. Шәһәр мэры Линар Закиров: "Бу мөһим эшне 9 Май - Бөек Җиңү бәйрәменә 10 көн кала төгәлләргә кирәк", - дигән бурыч
куйды.
Айгөл ШӘРӘФИЕВА.
Автор фотосы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: